ლობიანი lobiani – გამოაცხვეთ და არცერთ საოჯახო სუფრას არ მოაკლოთ ტრადიციული ქართული კულინარია.
ნამდვილი ლობიანის რეცეპტი მხოლოდ Foodhub -სგან, გემრიელად მიირთვით!
აუცილებლად გაგვიზიარეთ კომენტარებში, თქვენ როგორ გიყვართ ლობიანის მომზადება.
ასევე ნახეთ:
ლობიანი lobiani
დაბეჭდე რეცეპტიინგრედიენტები
- 500 გრამი ლობიო
- 100 გრამი კარაქი
- 1 კგ. ფქვილი
- 1/2 ჩ/კ მარილი
- 400 მლ/ლ თბილი წყალი
- 300 გრამი შებოლილი ლორი
- 5 ცალი დაფნის ფოთოლი
- მარილი (ლობიოსათვის)
- 25 გრამი საფუარი
- 1 ცალი კვერცხი
მომზადების ეტაპები
1. მოათავსეთ ლობიოს მარცვლები წყალში და დატოვეთ მთელი ღამით(რამდენიმე საათით მაინც), რათა დარბილდეს. ხარშეთ ლობიო მეორე დღეს 3-4 წუთის განმავლობაში. შემდეგ გადაწურეთ და ჩაუმატეთ ლორი, დაფნის ფოთოლი, მარილი გემოვნებისამებრ და ნიორი სურვილისამებრ(არასავალდებულო ინგრედიენტი*). ისევ დაფარეთ წყლით, დააფარეთ თავსახური და ხარშეთ.
2. სანამ ლობიო იხარშება, მოამზადეთ ცომი: ჯამში ერთმანეთს შეურიეთ 800 გრამი ფქვილი, საფუარი და მარილი. ჩაატეხეთ კვერცხი, ჩაასხით 400 მილილიტრი თბილი წყალი და მოზილეთ ცომი. შეფუთეთ და დატოვეთ 1 საათით, სანამ არ აფუვდება.
3. გადაიტანეთ ლორში მოხარშული ლობიოს მარცვლები(მხოლოდ ლობიო) თასში, ჩაუმატეთ კარაქი და კარგად ჩაჭყლიტეთ.
4. ფქვილმოყრილ სამუშაო ზედაპირზე შეაზილეთ აფუებულ ცომს 100 გრამი ფქვილი და გაყავით ოთხ თანაბარ ნაწილად. გააბრტყელეთ თითოეული ბურთულა 1 სანტიმეტრის სისქის წრის მისაღებად. თანაბრად გადაანაწილეთ თითოეულზე ლობიოს პიურე და პირი შეუკარით. ფრთხილად გააბრტყელეთ და გაუხვრიტეთ ცენტრი ან რამოდენიმეჯერ გადაუსვით დანის პირი დიაგონალურად, რათა ცომი ცხობისას არ ამოიბურცოს და გასკდეს.
5. აცხვეთ ტაფაზე(დაბალ ცეცხლზე), 8-8 წუთის განმავლობაში ორივე მხრიდან. შეგიძლიათ გამოაცხოთ ღუმელშიც, საშუალო ტემპერატურაზე 15-18 წუთის განმავლობაში. გამომცხვარ ლობიანებს გადაუსვით დარჩენილი კარაქი და გემრიელად მიირთვით!
Discussion about this post