დღე მხიარულად იწყება ალადიკებთან ერთად! ბავშვების საყვარელი დესერტი თქვენც ბავშვობაში დაგაბრუნებთ!
ნამდვილი ალადიკების რეცეპტი ფუდჰაბისგან. გემრიელად მიირთვით.
ალადიკები
ინგრედიენტები
- 2 ცალი კვერცხი
- 1/2 ლიტრი მაწონი
- ვანილი
- ფქვილი
- 1/2 ჭიქა შაქარი
- 1 ჩ/კ სოდა
- 1 ცალი ვაშლი (სურვილისამებრ)
- მწიკვი მარილი
მომზადების ეტაპები
1. ორი ცალი კვერცხი გავთქვიფოთ ნახევარ ჭიქა შაქართან ერთად.
2. ნახევარ ლიტრა მაწონს დავამატოთ ერთი ჩაის კოვზი სოდა; ავურიოთ და ჩავასხათ კვერცხის მასაში. შემდეგ დავუმატოთ მწიკვი მარილი, ვანილი და იმდენი ფქვილი, რომ არაჟნის სისქის მასა მივიღოთ. კარგად ვურიოთ, ფქვილი ბოლომდე უნდა გაიხსნას.
3. ბოლოს სურვილისამებრ ჩავახეხოთ ერთი ცალი ვაშლი; ისევ ამოვურიოთ და შევწვათ ზეთიან ტაფაზე, ორივე მხრიდან. როდესაც შეიწვება, მოვაფრქვიოთ შაქრის პუდრა. გემრიელად მიირთვით!
Discussion about this post