გოზინაყი ხომ ახალი წლის შეუცვლელი ნუგბარია. ახალი წელი გვიახლოვდება, რის გამოც დიასახლისებს აუცილებლად მოუწევთ საახალწლო კერძების მომზადება. ამჯერად ნამდვილი გოზინაყის რეცეპტს გთავაზობთ.
ასევე ნახეთ ნამდვილი საცივის რეცეპტი
გოზინაყი
დაბეჭდე რეცეპტიინგრედიენტები
- ნიგოზი(თეთრი) 500 გ
- თაფლი – 300 მლ
- შაქარი – 40 გ
მომზადების ეტაპები
გაარჩიეთ ნიგოზი და დაჭერით თხლად. დაჭრილი ნიგოზი მოხალეთ ნელ ცეცხლზე დაწითლებამდე. თან გამუდმებით ურიეთ.
გადმოდგით ცეცხლიდან, გააგრილეთ და გააცალეთ კანი.
სქელძირიან ღრმა ტაფაში ჩაასხით თაფლი და ადუღეთ დაბალ ცეცხლზე, თან გამუდმებით ურიეთ. თაფლი დუღილს რომ დაიწყებს, გადმოდგით ცეცხლიდან. ასე გაიმეორეთ რამდენჯერმე, სანამ წყლიან ჭურჭელში ჩაწვეთებისას თაფლი არ გამაგრდება.
თაფლში ჩაყარეთ დაჭრილი ნიგოზი და დადგით ცეცხლზე, ისევ გამუდმებით ურიეთ, დაუმატეთ შაქარი. როდესაც თაფლი და ნიგოზი ერთგვაროვან მასად იქცევა, გადაიტანეთ სველზედაპირიან ხის დაფაზე და ნელ-ნელა გააბრტყელეთ ხის სველი კოვზით.
გოზინაყი გაცივებამდე დაჭერით ტომბებად, თორემ გაცივების შემდეგ გამაგრდება და დაჭრა გაგიჭირდებათ.
Discussion about this post